Ադրբեջանական բանակի գլխավոր շտաբի պետը Ուզբեկստանում է ԼՈՒՍԱՆԿԱՐ
Ադրբեջանի Հանրապետության պաշտպանության նախարարի առաջին տեղակալ, Գլխավոր շտաբի պետ, գեներալ-գնդապետ Քերիմ Վելիևը պաշտոնական այցով մեկնել է Ուզբեկստան՝ այդ երկրի պաշտպանության նախարարի առաջին տեղակալ, Ուզբեկստանի Զինված ուժերի ԳՇ պետ, գեներալ-մայոր Շուխրաթ Խալմուհամեդովի հրավերով:
Ինչպես Caliber.Az-ին հայտնել են Ադրբեջանի ՊՆ-ից, գեներալ-գնդապետ Քերիմ Վելիևը իր գլխավորած պատվիրակության հետ միասին ծաղկեպսակ է դրել Տաշքենդի համանուն այգում գտնվող համազգային առաջնորդ Հեյդար Ալիևի հուշահամալիրին՝ հարգելով մեծ առաջնորդի հիշատակը։
Այնուհետև գեներալ-գնդապետ Քերիմ Վելիևը հանդիպել է իր ուզբեկ գործընկերոջ հետ։ Ուզբեկստանի պաշտպանության նախարարությունում տեղի է ունեցել դիմավորման հանդիսավոր արարողություն։ Պատվո պահակախմբի առջևով անցնելուց հետո հնչել են Ադրբեջանի և Ուզբեկստանի պետական օրհներգները։
Հանդիպմանը քննարկվել են ռազմական, ռազմատեխնիկական և ռազմակրթական ոլորտներում երկկողմ համագործակցության զարգացման հեռանկարները։