Ադրբեջանական հրետանայինները բարձր ճշգրտությամբ ոչնչացրել են նախատեսված թիրախները ԼՈՒՍԱՆԿԱՐ զորավարժություններից

ԱՀ պաշտպանության նախարարի առաջին տեղակալ, ադրբեջանական բանակի գլխավոր շտաբի պետ Քերիմ Վելիևը հետևել է հրետանային ստորաբաժանումների՝ մարտական հրաձգությամբ ցուցադրական մարտավարական զորավարժություններին, Caliber.Az.հայտնել են ԱՀ ՊՆ-ից։

Գլխավոր շտաբի պետը ժամանել է դաշտային կետ և լսել է հրամանատարների ու շտաբային սպաների՝ առաջադրանքների կատարման ընթացքում քարտեզի վրա ընդունված որոշումների մասին զեկույցները։

Նշվել է, որ մշտական տեղակայման կետերից՝ կենտրոնացման վայրեր տագնապով դուրս բերված ստորաբաժանումները մշակել են՝ կրակային դիրքեր գրավելու, տեխնիկան և հրետանային կայանքները մարտական վիճակի բերելու վերաբերյալ գործողությունները:

Նշվել է, որ գործնական հրաձգության ժամանակ նախատեսված թիրախները ոչնչացվել են բարձր ճշգրտությամբ։

Գեներալ-գնդապետ Ք.Վելիևը դրական է գնահատել զորավարժությունների ընթացքը և համապատասխան անձանց հանձնարարել է՝ էլ ավելի բարձրացնել անցկացվող զորավարժությունների և վարժանքների ինտենսիվությունն ու որակը՝ ստորաբաժանումների մարտունակության բարձր մակարդակը պահպանելու և զինծառայողների գործնական հմտությունները զարգացնելու նպատակով։