Ադրբեջանը աջակցում է Թուրքիայի և Հայաստանի միջև հարաբերությունների կարգավորմանը. Չեթին

Թուրքիան և Հայաստանը սկսել են հարաբերությունների կարգավորման գործընթացը, Ադրբեջանը սատարում է դրան։

Ինչպես հայտնում է Caliber.Az-ը, այս մասին Բաքվի IX գլոբալ ֆորումում ասել է Թուրքիայի նախկին արտգործնախարար Հիքմեթ Չեթինը։

Նրա խոսքով՝ Թուրքիան և Հայաստանը հատուկ ներկայացուցիչներ են նշանակել, որոնք քննարկում են երկու երկրների հարաբերությունների կարգավորման ուղիները։

«Արդեն կայացել է հատուկ ներկայացուցիչների երեք հանդիպում, Ադրբեջանն այդ մասին տեղյակ է և աջակցում է այս գործընթացին»,- հայտարարել է Հիքմեթ Չեթինը։

Նա հիշեցրել է ոչ վաղուցվա պատմությունը, երբ Հայաստանը չբավարարվեց Ղարաբաղի օկուպացիայով և այլ ավելի հեռուն գնաց՝ գրավելով դրա շուրջ գտնվող 7 ադրբեջանական շրջանները։ Դրանից հետո Թուրքիան փակեց Հայաստանի հետ սահմանը։