Ադրբեջանը ԵՄ-ի հիմնական գործընկերներից է էներգետիկայի ոլորտում. Պետեր Միխալկո

Ադրբեջանը Եվրամիության հիմնական էներգետիկ գործընկերներից է։

Ինչպես հաղորդում է Caliber.Az-ը, այս մասին հինգշաբթի օրը ADA համալսարանում Եվրոպայի օրվան նվիրված գիտաժողովում ասել է Ադրբեջանում ԵՄ դեսպան Պետեր Միխալկոն։

«Այսօր Ադրբեջանն ու ԵՄ-ն ավելի մտերիմ են, քան երբևէ»,- հայտարարել է Միխալկոն։

Նրա խոսքով, Ադրբեջանը Եվրամիության ամենամոտ գործընկերներից է ինչպես «Արևելյան գործընկերության» ձևաչափում, այնպես էլ տնտեսության տարբեր ոլորտներում։

«Ադրբեջանը Եվրամիության հիմնական գործընկերներից է էներգետիկայի ոլորտում։ Ադրբեջանի հետ մեր համագործակցության առաջնահերթություններն են նաև անցումը թվային տեխնոլոգիաներին, գյուղական շրջանների զարգացումը և մարդկանց միջև շփումները»,- ասել է Միխալկոն։