Ադրբեջանը երկրորդ ինքնաթիռն է ուղարկում եղբայրական Թուրքիա

Ադրբեջանը պատրաստվում է ուղարկել երկրորդ ինքնաթիռը, որը Թուրքիա կհասցնի վրաններ, անկողնային սպիտակեղեն, դեղամիջոցներ և առաջին օգնության այլ անհրաժեշտ պարագաներ։

Ըստ «Ազերթաջ»-ի՝ ինքնաթիռը օդ բարձրանալու է մոտ ժամանակներս։

Հիշեցնենք, որ Ադրբեջանի նախագահ Իլհամ Ալիևի հանձնարարությամբ Թուրքիայում ուժեղ երկրաշարժի հետևանքները վերացնելու և որոնողափրկարարական աշխատանքներին աջակցելու նպատակով նախապատրաստական աշխատանքներ են սկսվել Արտակարգ իրավիճակների նախարարության արագ արձագանքման 370 հոգուց բաղկացած անձնակազմ ուղարկելու համար։

Առաջիկա մի քանի ժամվա ընթացքում ինքնաթիռը կթռչի Ադանայի օդանավակայան։