Ադրբեջանը, Թուրքիան և Ուզբեկստանը համագործակցության նոր ձևաչափ կգործարկեն

Ադրբեջանը, Թուրքիան և Ուզբեկստանը կսկսեն համագործակցության նոր նախարարական ձևաչափ, որն ուղղված կլինի տարածաշրջանային կապերի ամրապնդմանը:

Caliber.Az-ի փոխանցմամբ՝ այս մասին Twitter-ում գրել է Ուզբեկստանի նախագահի վարչակազմի ղեկավարի տեղակալ, նախագահի մամուլի քարտուղար Շերզոդ Ասադովը։

«Վաղը [այսօր] Ուզբեկստանի նախագահ Շավքաթ Միրզիյոևը հանդիպումներ կունենա Թուրքիայի արտաքին գործերի նախարար Մևլութ Չավուշօղլուի և Ադրբեջանի արտաքին գործերի նախարար Ջեյհուն Բայրամովի հետ։ Ուզբեկստանի, Ադրբեջանի և Թուրքիայի առաջնորդների նախաձեռնությամբ՝ երեք երկրների արտաքին գործերի նախարարները կսկսեն համագործակցության նոր նախարարական ձևաչափ՝ ուղղված տարածաշրջանային կապերի ամրապնդմանը»,- ասվում է հրապարակման մեջ։