Ադրբեջանը, Ուզբեկստանը և Թուրքիան վերահաստատել են իրենց ամուր աջակցությունը երկրների տարածքային ամբողջականությանը

«Այսօրվա հանդիպումը բարձր մակարդակի բանակցությունների տրամաբանական շարունակությունն է և երեք ռազմավարական մոտ գործընկեր պետությունների միջև համագործակցության բոլորովին նոր ձևաչափ, որը բացառիկ հնարավորություն է ստեղծում տարածաշրջանային և միջազգային քաղաքականության արդի հարցերի համակողմանի քննարկման համար։

Ինչպես հայտնում է Caliber.Az-ը, այս մասին Ուզբեկստանի ԱԳ նախարարի պաշտոնակատար Վլադիմիր Նորովն ասել է՝ Ուզբեկստան-Ադրբեջան-Թուրքիա երկխոսության ձևաչափով անցկացված առաջին հանդիպումից հետո։

«Այսօր մենք վերահաստատեցինք մեր հաստատակամ և անվերապահ աջակցությունը յուրաքանչյուր երկրի ինքնիշխանությանը, տարածքային ամբողջականությանը և միջազգայնորեն ճանաչված սահմանների անձեռնմխելիությանը` ընդգծելով փոխգործակցության հետագա ամրապնդման կարևորությունը տրանսպորտային կապերի և տեղեկատվական ու հաղորդակցական ենթակառուցվածքների զարգացման միջոցով: Մենք պատրաստակամություն ենք հայտնել շարունակելու ջանքերը համակարգել միջազգային կազմակերպությունների շրջանակներում, որոնց անդամներն են հանդիսանում Ուզբեկստանը, Ադրբեջանը և Թուրքիան»,- ընդգծել է ԱԳՆ ղեկավարի պաշտոնակատարը։

Միաժամանակ Վ.Նորովը նշել է, որ կողմերը քննարկել են՝ Թուրքական պետությունների կազմակերպության առաջին գագաթնաժողովի նախապատրաստական աշխատանքները, որը կանցկացվի Ուզբեկստանում այս տարվա նոյեմբերին։