Ադրբեջանը պաշտոնապես դարձավ COP29-ի հյուրընկալողը
Ադրբեջանում տեղի կունենա ՄԱԿ-ի «Կլիմայի փոփոխության մասին» շրջանակային կոնվենցիայի կողմ երկրների 29-րդ համաժողովը՝ COP29-ը:
Ինչպես հաղորդում է Caliber.Az-ը, այս մասին Դուբայում (ԱՄԷ) կայացած COP28-ի եզրափակիչ նստաշրջանի լիագումար նիստում ասել է COP28-ի նախագահ Սուլթան Ալ-Ջաբերը։
Նա կոչ է արել շարունակել ակտիվ գործողությունները կլիմայի փոփոխության դեմ պայքարի ուղղությամբ: «Բանակցությունների համար ժամանակ չի մնացել, եկել է գործելու ժամանակը»,- ասել է սուլթան Ալ Ջաբերը։ «Անհրաժեշտ է Հիմնադրամի շրջանակներում իրական գործողություններ ձեռնարկել՝ փոխհատուցելու կորուստները և վնասները»։
«Աշխարհը մեզ հետևում է, մենք պետք է գործենք։ Եթե կարողանամ օգնել, իմ դուռը բաց է։ Այժմ մենք պետք է գործենք ավելի արագ և խելացի», - հավելել է COP28 նախագահը:
Այնուհետև նիստի մասնակիցներին ցուցադրվել է Ադրբեջանի հարուստ պատմության, մշակույթի և բնության մասին պատմող տեսահոլովակ: