Ադրբեջանը և Պակիստանը քննարկել են սոցիալական պաշտպանության ոլորտում համագործակցությունը

Ադրբեջանը և Պակիստանը քննարկել են՝ զբաղվածության և սոցիալական պաշտպանության ոլորտում համագործակցությունը։

Caliber.Az-ի փոխանցմամբ՝ այս մասին սոցցանցում գրել է Պակիստանում Ադրբեջանի դեսպան Խազար Ֆարհադովը:

Դիվանագետը նշել է, որ նա Իսլամաբադում հանդիպում է անցկացրել՝ արտասահմանում պակիստանցիների, մարդկային ռեսուրսների զարգացման հարցերով Պակիստանի դաշնային նախարար Չաուդրի Սալիկ Հուսեյնի հետ։

«Արդյունավետ հանդիպում է տեղի ունեցել նախարար Չաուդրի Սալիկ Հուսեյնի հետ։ Մտքերի փոխանակում է անցկացվել՝ Ադրբեջանի և Պակիստանի միջև աշխատանքի, զբաղվածության և սոցիալական պաշտպանության ոլորտում համագործակցության շուրջ»,- ասվում է հրապարակման մեջ։