Ադրբեջանի ԱԳ փոխնախարար. Հայաստանը հետևողականորեն խախտել է հրադադարի ռեժիմը

Ադրբեջանը խաղաղության օրակարգ է առաջ քաշել և համապատասխան քայլեր է ձեռնարկում տարածաշրջանում խաղաղություն հաստատելու և Հայաստանի հետ հարաբերությունները կարգավորելու համար։

Caliber.Az-ի փոխանցմամբ՝ այս մասին հայտարարել է Ադրբեջանի փոխարտգործնախարար Խալաֆ Խալաֆովը։

Փոխնախարարը ափսոսանքով նշել է, որ վերջին շրջանում հայկական կողմը շարունակել է հետևողականորեն խախտել հրադադարի ռեժիմը՝ խաղաղության օրակարգի առաջխաղացումը դադարեցնելու և եռակողմ պայմանավորվածությունների իրականացումը խոչընդոտելու նպատակով, և արդյունքում սեպտեմբերի 12-ին զինված սադրանք իրականացրեց երկու երկրների միջև սահմանին, ինչը հանգեցրեց ծանր հետևանքների։