Ադրբեջանական ներկայացուցչությունը շնորհակալություն է հայտնել ՆԱՏՕ-ի գլխավոր քարտուղարի օգնականին

Ադրբեջանը շարունակում է հավատարիմ մնալ ՆԱՏՕ-ի հետ գործընկերությանը։

Ինչպես տեղեկացնում է Сaliber.Az-ը, այս մասին ասվում է Դաշինքին առընթեր Ադրբեջանի ներկայացուցչության X-ի էջում զետեղված հրապարակման մեջ:

«Ադրբեջանը վճռական է «Գործընկերություն հանուն խաղաղության» ծրագրի շրջանակներում իր ներդրումն ունենալ միջազգային խաղաղության և անվտանգության գործում», - նշվում է հրապարակման մեջ։

Նաև երախտագիտություն է հայտնվել ՆԱՏՕ-ի գլխավոր քարտուղարի քաղաքական հարցերով և անվտանգության քաղաքականության գծով օգնական Բորիս Ռուգային՝ օգոստոսի 8-ին Վաշինգտոնում Ադրբեջանի և Հայաստանի միջև ձեռք բերված համաձայնագրերի կապակցությամբ շնորհավորանքի համար։