Ադրբեջանի ԱԳՆ ղեկավարը հայտարարել է՝ Հայաստանի հետ հարաբերությունների կարգավորման համար պայմաները

Ադրբեջանի և Հայաստանի միջև հարաբերությունների կարգավորումը պետք է հիմնված լինի միմյանց տարածքային ամբողջականության և ինքնիշխանության փոխադարձ ճանաչման վրա։

Ինչպես հաղորդում է Caliber.Az-ը, այս մասին հայտարարել է Ադրբեջանի արտգործնախարար Ջեյհուն Բայրամովը՝ ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելի հետ համատեղ մամուլի հայտարարության ժամանակ։

«Համագործակցության խորհրդի նախորդ նիստը տեղի ունեցավ 44-օրյա պատերազմի ավարտից և Ադրբեջանի, Հայաստանի և Ռուսաստանի ղեկավարների կողմից եռակողմ հայտարարության ստորագրումից անմիջապես հետո, որը վերջ դրեց տասնամյակների հակամարտությ։ Երկու երկրների միջև հարաբերությունների կարգավորումն այլընտրանք չունի՝ հիմնված միմյանց միջազգայնորեն ճանաչված տարածքային ամբողջականության և ինքնիշխանության փոխադարձ ճանաչման վրա։ ԵՄ-ն կարևոր դեր է խաղում հետկոնֆլիկտային շրջանում: Այս համատեքստում մենք ողջունում ենք նախագահ Շառլ Միշելի ջանքերն ու աջակցությունը՝ ուղղված Հայաստանի և Ադրբեջանի միջև հարաբերությունների կարգավորմանը»,- նշել է արտգործնախարարը։