Ադրբեջանի ԱԳՆ ղեկավարը հրաժեշտ է տվել Ֆրանսիայի դեսպանին

Սեպտեմբերի 5-ին ԱԳ նախարար Ջեյհուն Բայրամովն ընդունել է Ադրբեջանում Ֆրանսիայի Հանրապետության արտակարգ և լիազոր դեսպան Զաքարի Գրոսին՝ Ադրբեջանում վերջինիս դիվանագիտական գործունեության ավարտի կապակցությամբ։

Ինչպես Caliber.Az-ին հայտնել են ԱԳՆ-ից, նախարարը նշել է դեսպան Զաքարի Գրոսի կողմից երկկողմ կապերի զարգացմանն ուղղված ջանքերը, նրա պրոֆեսիոնալ մոտեցումը։

Դեսպան Գրոսը գոհունակությամբ է խոսել Ադրբեջանում իր աշխատանքի մասին՝ նշելով երկու երկրների միջև համագործակցության կարևորությունը տնտեսական, տրանսպորտային, հումանիտար և այլ ոլորտներում։

Հանդիպման ընթացքում կողմերը քննարկել են երկկողմ օրակարգի հարցեր, տարածաշրջանային խաղաղության ամրապնդմանն ուղղված ջանքերը և փոխադարձ հետաքրքրություն ներկայացնող այլ հարցեր։

Նախարար Ջեյհուն Բայրամովը հաջողություն է մաղթել դեսպանին հետագա գործունեության մեջ։