Ադրբեջանի ԱԳՆ-ն ցավակցություն է հայտնել Իրանին

Ադրբեջանի ԱԳՆ-ն ցավակցություն է հայտնել Իրանին՝ Քերման նահանգում տեղի ունեցած երկու պայթյունների զոհերի կապակցությամբ։

Ինչպես հայտնում է Caliber.Az-ը, այս մասին ասվում է՝ X սոցիալական ցանցում նախարարության էջում հրապարակված հայտարարության մեջ։

«Մենք անկեղծ ցավակցություն ենք հայտնում Իրանի Քերման նահանգում տեղի ունեցած ահաբեկչության զոհերի ընտանիքներին, իսկ տուժածներին մաղթում ենք շուտափույթ ապաքինում։

Որպես ահաբեկչությունից տուժած երկիր՝ Ադրբեջանը դատապարտում է դրա բոլոր ձևերն ու դրսևորումները»,- նշել են գերատեսչությունում։