Ադրբեջանի բնապահպանական ՈԿԿ-ները դիմել են ռուս խաղաղապահների հրամանատարությանը

Ադրբեջանում բնապահպանության ոլորտում աշխատող ոչ կառավարական կազմակերպությունները կոչ են հղել ռուսական խաղաղապահ զորախմբի հրամանատար, գեներալ-մայոր Անդրեյ Վոլկովին։

Caliber.Az-ի փոխանցմամբ՝ կոչի տեքստը ներկայացվել է Ադրբեջանում Ռուսաստանի Դաշնության դեսպանատուն։

Կոչում ընդգծվում է, որ բնապահպանները լրջորեն անհանգստացած են բնապահպանական իրավիճակի վատթարացմամբ Ադրբեջանի Հանրապետության այն տարածքներում, որտեղ ժամանակավորապես տեղակայված է Ռուսաստանի Դաշնության խաղաղապահ զորախումբը։