Ադրբեջանի ՈԿԿ-ն կստեղծի Հայաստանի հանքարդյունաբերության քարտեզ

2024 թվականին առաջին անգամ Հայաստանի հանքարդյունաբերության քարտեզ կթողարկվի, որը աշխարհին հստակ ցույց կտա, թե ինչպիսի մեծ վտանգ են ներկայացնում այդ ձեռնարկությունները տարածաշրջանի էկոլոգիայի համար։

Ինչպես հաղորդում է Сaliber.Az-ը, այս մասին ասել է՝ «Ադրբեջանի քարտեզագիրներ» հասարակական միավորման նախագահ Մուգաբիլ Բայրամովը։

Նա ասել է, որ այս նախագիծը լինելու է նրա ղեկավարած ՈԿԿ-ի առաջին աշխատանքը. «Ես շուրջ 40 տարի զբաղվում եմ մասնագիտական քարտեզագրությամբ։ Այս ամառ նախագահ Իլհամ Ալիևը խորհրդակցության ժամանակ մանրամասն նկարագրեց՝ Հայաստանի հանքարդյունաբերական ձեռնարկությունների սպառնալիքը տարածաշրջանի էկոլոգիայի համար և պատմեց այդ տեղեկատվությունը համաշխարհային հանրությանը փոխանցելու կարևորության մասին։ Այս միտքը ծագել է նրա ելույթից հետո։ Ամեն ինչ արվել է այդ քարտեզը ստեղծելու համար»:

Բայրամովն ընդգծել է, որ քարտեզը կհրապարակվի երեք լեզուներով՝ ադրբեջաներեն, անգլերեն և հայերեն, և դրա վրա նշված կլինեն ադրբեջանական տեղանունները, օրոնիմները և հիդրոնիմները. «2024 թվականը COP29-ի տարին է, և մենք այս քարտեզը կներկայացնենք Ադրբեջան ժամանած ՈԿԿ-ներին, որպեսզի նրանք ավելի հստակ պատկերացնեն՝ հայկական հանքարդյունաբերական ձեռնարկությունների կողմից Հարավային Կովկասի էկոլոգիային սպառնացող վտանգը։ Հայաստանն ինքը երբեք նման քարտեզ չի հրապարակել։ Կարծես նրանք փորձում են միջազգային հանրությունից թաքցնել ձեռնարկությունների գտնվելու վայրը»։

ՈԿԿ-ի նախագահի խոսքով, նոր քարտեզի շնորհիվ հայ հանրությունը նույնպես հնարավորություն կունենա ծանոթանալ հանքարդյունաբերական ձեռնարկությունների գտնվելու վայրին. «Կարծում եմ, որ նրանք կկարողանան գտնել բազմաթիվ հարցերի պատասխաններ։ Հայկական ոչ կառավարական կազմակերպությունները նույնպես վերջին տարիներին ահազանգել են՝ իրենց երկրում հանքարդյունաբերական գործունեության մասին, որը չի համապատասխանում բնապահպանական որևէ նորմերի: Այս քարտեզը նրանց համար նույնպես հետաքրքիր կլինի»։