Ադրբեջանի ՈԿԿ-ները ականների խնդրի հետ կապված նամակ են հղել ՄԱԿ-ի գլխավոր քարտուղարին

Ադրբեջանի ոչ կառավարական կազմակերպությունները (ՈԿԿ) ականների խնդրի հետ կապված նամակ են հղել ՄԱԿ-ի գլխավոր քարտուղար Անտոնիո Գուտերեշին։

Caliber.Az-ը հայտնում է, որ նամակում ասվում է.

«Ադրբեջանը ականներով և չպայթած զինամթերքով ամենաշատ աղտոտված երկրներից է։ Վերջին 30 տարիների ընթացքում ականների զոհ է դարձել ընդհանուր առմամբ 3368 մարդ։ 2020 թվականի նոյեմբերի 10-ից մինչ օրս զոհվել է 501, վիրավորվել՝ երկրի 238 քաղաքացի։

Մարդասիրական ականազերծումն Ադրբեջանի համար առաջնահերթություն է: Երկիրը համագործակցում է շատ հիմնական կառույցների հետ, որոնք գործունեություն են ծավալում հումանիտար ականազերծման ոլորտում, այդ թվում՝ ՄԱԿ-ի մշտական համակարգողի գրասենյակի, ՅՈՒՆԻՍԵՖ-ի և այլնի հետ:

Մենք երախտապարտ ենք Եվրամիությանը և այլ դոնորներին ցուցաբերած ֆինանսական աջակցության համար։ Սակայն մեր երկրին հատկացվող միջոցները բավարար չեն ականների ահաբեկչությունը կասեցնելու և տղամարդկանց, կանանց և երեխաների մահն ու վիրավորումը կանխելու համար»։