Ադրբեջանի փոխարտգործնախարարն այցելել է Նորվեգիա ԼՈՒՍԱՆԿԱՐ
2022 թվականի մայիսի 23-25-ը Ադրբեջանի փոխարտգործնախարար Ֆարիզ Ռզաևը աշխատանքային այցով գտնվել է Նորվեգիայում։
Այս մասին Caliber.Az-ին հայտնել են Ադրբեջանի արտաքին գործերի նախարարությունից։
Այցի ընթացքում ադրբեջանցի դիվանագետը հանդիպել է Նորվեգիայի ԱԳՆ պետքարտուղար Էյվիդ Վադ Պետերսոնի, Նորվեգիայի խորհրդարանի արտաքին հարաբերությունների և պաշտպանության մշտական հանձնաժողովի նախագահ Ինե Էրիքսեն Սորեիդեի, ԵԽԽՎ-ում Նորվեգիայի խորհրդարանի պատվիրակության ղեկավար Ինգերդ Սխոուի և Equinor ընկերության փոխնախագահ Գուստավո Բակերոյի հետ:
Հանդիպումների ընթացքում մտքեր են փոխանակվել տարբեր ոլորտներում մեծ ներուժ ունեցող Ադրբեջանի և Նորվեգիայի միջև երկկողմ հարաբերությունների ներկա վիճակի և զարգացման հեռանկարների շուրջ, քննարկվել են Ադրբեջանի և Հայաստանի միջև հարաբերությունների կարգավորման գործընթացները, ինչպես նաև տարածաշրջանային համագործակցության հաստատման նախաձեռնությունները: