Ադրբեջանի քաղաքացիները կկարողանան մուտքի վիզա ստանալ Իրաքի հետ սահմանի անցակետերում

Իրաքի ներքին գործերի նախարարը հրաման է ստորագրել, ըստ որի՝ Իրաքի Հանրապետություն մեկնող Ադրբեջանի Հանրապետության քաղաքացիները կկարողանան մուտքի վիզա ստանալ այդ երկրի սահմանային անցակետերում։

Ինչպես հաղորդում է Caliber.Az-ը, այս մասին ասվում է Իրաքում Ադրբեջանի դեսպան Նասիր Մամեդովի գրառման մեջ։

«Այդ կապակցությամբ մենք մեր երախտագիտությունն ենք հայտնում Իրաքի վարչապետին, ներքին գործերի և արտաքին գործերի նախարարություններին»,- ասվում է հրապարակման մեջ։