Ադրբեջանի և Ալժիրի ԱԳՆ-ները երկու արձանագրություն են ստորագրել

Ադրբեջանի և Ալժիրի արտաքին գործերի նախարարությունների միջև երկու արձանագրություն է ստորագրվել։

Այս մասին Բաքու կատարած այցի արդյունքներով հրավիրված մամուլի ասուլիսում հայտարարել է Ալժիրի արտաքին գործերի և արտերկրում գտնվող ազգային համայնքների նախարար Ռամտան Լամամրան, ով հանդիսանում է երկրի նախագահ Աբդելմաջիդ Թեբբուի հատուկ ներկայացուցիչը։

«Դրանցից մեկը ենթադրում է Ալժիրի և Ադրբեջանի դիվանագիտական և ծառայողական անձնագրեր ունեցող քաղաքացիների համար մուտքի արտոնագրի ռեժիմի վերացում: Երկրորդ արձանագրությունը վերաբերում է երկու երկրների արտգործնախարարությունների միջև քաղաքական խորհրդակցությունների անցկացմանը», - ասել է Ադրբեջանի ԱԳ նախարար Ջեյհուն Բայրամովը։