Ադրբեջանի և Հայաստանի ղեկավարների հանդիպմանը կքննարկվի խաղաղության պայմանագիրը Հիքմեթ Հաջիևի հայտարարությունը

Այս ամսվա վերջին տեղի կունենա Ադրբեջանի և Հայաստանի ղեկավարների հանդիպումը։

Ինչպես հայտնում է Caliber.Az-ը, այս մասին ասել է Ադրբեջանի նախագահի օգնական Հիքմեթ Հաջիևը՝ Շուշայում կայացած համաժողովում ունեցած ելույթի ժամանակ։

Նա ադրբեջանական կողմի հույսն է հայտնել այն մասին, որ հանդիպմանը կհամաձայնեցվի՝ Ադրբեջանի և Հայաստանի միջև խաղաղության համաձայնագրի տեքստը պատրաստող աշխատանքային խմբի կազմակերպումը։

Միաժամանակ, ամսվա վերջին Հայաստանի և Ադրբեջանի փոխվարչապետները կհանդիպեն Մոսկվայում՝ քննարկելու տրանսպորտի ու հաղորդակցության և սահմանազատման հարցերը։