Ադրբեջանն ու Ղազախստանը ստեղծում են փորձագիտական ​​խորհուրդ

Ադրբեջանն ու Ղազախստանը ստեղծում են փորձագիտական խորհուրդ, որում կընդգրկվեն երկու երկրների հայտնի փորձագետներ և վերլուծական կենտրոնների ներկայացուցիչներ։

Ինչպես հայտնում է Caliber.Az-ը՝ հղում անելով Ադրբեջանում Ղազախստանի դեսպանատան մամուլի ծառայությանը, նման պայմանավորվածություն է ձեռք բերվել՝ Ադրբեջանում Ղազախստանի դեսպան Սերժան Աբդըկարիմովի և Միջազգային հարաբերությունների վերլուծության կենտրոնի խորհրդի նախագահ Ֆարիդ Շաֆիևի հանդիպման ժամանակ։

Կողմերը պայմանավորվել են նաև համատեղ միջոցառումներ անցկացնել՝ Ղազախստանի և Ադրբեջանի միջև դիվանագիտական հարաբերությունների հաստատման 30-ամյակի կապակցությամբ։