Ադրբեջանն ու Մարոկկոն չեղարկել են վիզաները

Ադրբեջանն ու Մարոկկոն ընդհանուր անձնագրեր ունեցողներին ազատում են վիզայի պահանջներից։

Ինչպես հայտնում է APA-ն, դա արտացոլվել է օրինագծում, որն այսօր քննարկվել է՝ Միլլի Մեջլիսի միջազգային հարաբերությունների և միջխորհրդարանական կապերի կոմիտեի նիստում։

Քննարկումից հետո խորհրդարանի լիագումար նիստին առաջարկվել է՝ «Ադրբեջանի Հանրապետության կառավարության և Մարոկկոյի Թագավորության կառավարության միջև ընդհանուր քաղաքացիական անձնագրեր ունեցողներին վիզային պահանջներից ազատելու մասին համաձայնագիրը հաստատելու մասին» օրինագիծը։