Ադրբեջանում նշվում է ՌԾՆ-ի օրը

Օգոստոսի 5-ին Ադրբեջանում նշվում է Ռազմածովային նավատորմի օրը։

Ինչպես հիշեցնում է Caliber.Az-ը, Ադրբեջանում Ռազմածովային նավատորմը սկսել է ձևավորվել այն բանից հետո, երբ 1919 թվականի օգոստոսին անգլիացիները լքեցին երկիրը։

Մինչև այդ Կասպից ծովի արևմտյան ափերի պաշտպանությունն ապահովում էին անգլիական մարտական նավերը: Բաքվի ազատագրման ժամանակ Կասպիի ծովային նավատորմի նավերը հեռացվել են Պորտ Պետրովսկ և վերադարձվել են միայն 1918 թվականի նոյեմբերին՝ անգլիացիների Բաքու գալուց հետո։

Ադրբեջանի նորաստեղծ ռազմածովային նավատորմում՝ բարձրաստիճան սպաների թվում կային միայն երկու ադրբեջանցի՝ ռազմածովային ծառայության կապիտան Հասան Չիլինգարզադեն, ով ծառայում էր «Արդահան» նավի վրա և 1-ին աստիճանի կապիտան Գիտանչիզադեն, ով ծառայում էր «Աստրաբադ» նավի վրա։ Քանի որ Ռազմական նախարարությունը չուներ նավատորմի հարցերով զբաղվող բաժին, Կասպիի ռազմածովային նավատորմը ղեկավարում էր տրանսպորտի նախարարությունը։