Ադրբեջանցի հրետանավորները դիպուկ կրակով ոչնչացրել են բոլոր թիրախները ՏԵՍԱՆՅՈՒԹ

2022 թվականի մարտական պատրաստության պլանի համաձայն՝ ցամաքային զորքերի հրթիռային և հրետանային ստորաբաժանումները կատարել են կրակային առաջադրանքներ։

Պաշտպանության նախարարության մամուլի ծառայությունից Caliber.Az-ին հայտնել են, որ պլանի համաձայն՝ կրակային աջակցության ստորաբաժանումները մշտական տեղակայման կետերից դուրս են բերվել կենտրոնացման վայրեր և գրավել կրակային դիրքեր։

Իրական մարտի պայմաններին համապատասխան անցկացված զորավարժությունների ընթացքում կատարվել են՝ ճշգրիտ կրակով հակառակորդի կեղծ թիրախները հայտնաբերելու և ոչնչացնելու խնդիրները։

Զորավարժությունների հիմնական նպատակն է՝ կատարելագործել հրթիռային և հրետանային ստորաբաժանումների հրամանատարների կառավարման հմտությունները, բարձրացնել զինվորականների գիտելիքներն ու հմտությունները, ինչպես նաև մարտական գործողությունների ժամանակ գործողությունների պլանավորումը և այլ զորատեսակների հետ փոխգործակցության զարգացումը: