Ադրբեջանցի սակրավորները Թուրքիայում դասընթացների են մասնակցում ԼՈՒՍԱՆԿԱՐ

Ադրբեջանի բանակի ինժեներասակրավորական ստորաբաժանումների մի խումբ զինծառայողներ մասնակցում են Թուրքիայի Հանրապետության Իզմիր քաղաքում անցկացվող դասընթացներին։

Այս մասին հայտնում է Caliber.Az-ը՝ հղում անելով Ադրբեջանի պաշտպանության նախարարությանը։

Սակրավորները, ովքեր տիրապետում են ժամանակակից ինժեներական սարքավորումների առանձնահատկություններին, կատարելագործում են տեղանքի հետախուզման, ականների և չպայթած զինամթերքի հայտնաբերման և վնասազերծման, ինչպես նաև այլ տեսակի գործունեության իրենց գործնական հմտությունները՝ հաշվի առնելով ինքնաշեն պայթուցիկ սարքերի հետ աշխատելու անվտանգության միջոցները։