Ադրբեջանցի օդաչուները հղկել են իրենց մարտական հմտությունները

Պաշտպանության նախարար, գեներալ-գնդապետ Զաքիր Հասանովի կողմից հաստատված 2023 թվականի մարտական պատրաստության պլանի համաձայն՝ Ադրբեջանի Ռազմաօդային ուժերն ուսումնական թռիչքներ են իրականացրել։

Ինչպես Caliber.Az-ին հայտնում են ՊՆ-ից, պլանի համաձայն՝ բարձր պրոֆեսիոնալիզմով կատարվել են այնպիսի առաջադրանքներ, ինչպիսիք են թռիչք-վայրէջք, բարդ օդային մանևրներ ցածր և միջին բարձրության վրա, պայմանական հակառակորդի ցամաքային թիրախների կոորդինատների որոշում, օդային հետախուզություն և այլն:

Նշենք, որ ռազմական օդաչուների մարտական հմտությունների կատարելագործման և պրոֆեսիոնալիզմի բարձրացման նպատակով անցկացվող վարժանքները շարունակվում են։