Ազատագրված տարածքների վերականգնումն օրինակ է ողջ աշխարհի համար. իտալացի ճարտարապետ

Ադրբեջանը հսկայական ներուժ ունի դիզայնի և ճարտարապետության ոլորտում։

Ինչպես հայտնում է Caliber.Az-ը, այս մասին ասել է իտալացի ճարտարապետ Միշել դե Լյուչչին՝ ելույթ ունենալով ADA համալսարանում կազմակերպված «Իտալական դիզայնի օր» միջոցառմանը։

Նրա խոսքով, Ադրբեջանի ազատագրված տարածքներում ենթակառուցվածքների վերականգնման աշխատանքները շատ կարևոր են, դրանք «կարող են դառնալ վերափոխման օրինակ ողջ աշխարհի համար»։

«Կարևոր է ստեղծել մի բան, որը կծառայի բարեկեցությանը և որպես ժառանգություն կփոխանցվի ապագա սերունդներին: Իմ խորհուրդն է Ադրբեջանին՝ չկանգնեցնել և արագացնել այդ տարածքների վերականգնման գործընթացը»,- հայտարարել է Լյուչչին։