«Ազերիգազ». Ղարաբաղի տնտեսական շրջանի գազամատակարարումն ամբողջությամբ

կվերականգնվի Վերջին օրերին Ղարաբաղի տնտեսական շրջանում գազաբաշխիչ գծի շարքից դուրս գալը, որը երկար տարիներ աշխատել է առանց վերանորոգման, գազամատակարարման խնդիրներ է առաջացրել։

Ինչպես հայտնում է Caliber.Az-ը՝ այս մասին ասված է «Ազերիգազ»-ի հաղորդագրության մեջ:

Հաղորդվում է, որ չնայած ձյան առատ տեղումներին՝ «Ազերիգազ» արտադրական միավորման աշխատակիցները ձեռնարկում են անհրաժեշտ միջոցառումներ՝ դժվարանցանելի տեղանքում վթարի հետևանքները վերացնելու համար։

«Մարտի 28-ին կվերականգնվի բնական գազի մատակարարումը Խանքենդի և հարակից այլ բնակավայրեր, և առաջին հերթին կիրականացվեն փորձարկումներ։ Այս կապակցությամբ սպառողներին խորհուրդ է տրվում լինել զգույշ բնական գազ օգտագործելիս, խստորեն պահպանել անվտանգության կանոնները։

Փորձարկումների ավարտից հետո՝ մարտի 29-ին ամբողջությամբ կվերականգնվի բնական գազի մատակարարումը Ղարաբաղի տնտեսական շրջանի տարածք»,- ասվում է հաղորդագրությունում։