Ալեքպերլի. Մենք ուզում ենք վերադառնալ մեր տները, որտեղից մեզ վտարեցին 35 տարի առաջ

«Մենք ցանկանում ենք խաղաղությամբ վերադառնալ մեր տները, որտեղից մեզ վտարեցին 35 տարի առաջ»:

Այս մասին ասել է Արևմտյան Ադրբեջանի Համայնքի վարչության նախագահ Ազիզ Ալեքպերլին՝ Ադրբեջանում Պակիստանի դեսպան Բիլալ Խայեի հետ հանդիպմանը, հայտնում է Caliber.Az-ը։

Համայնքի խորհրդի նախագահը նշել է, որ Պակիստանն Ադրբեջանի համար բարեկամ և եղբայրական երկիր է.

«Պակիստանը քաղաքական և բարոյական աջակցություն է ցուցաբերել միջազգային ասպարեզում՝ ադրբեջանական իրողությունները աշխարհին հասցնելու գործում և 44-օրյա Հայրենական պատերազմում։ Սակայն, ցավոք, համաշխարհային հանրությունը բավականաչափ տեղեկացված չէ Հարավային Կովկասում վերջին 200 տարիների ընթացքում տեղի ունեցող գործընթացների մասին։ Մեր նպատակն է համաշխարհային հանրությանը տեղեկացնել այս գործընթացների մասին»։