Ամերիկյան բուհերից մեկում ծածանվում է Ադրբեջանի դրոշը ԼՈՒՍԱՆԿԱՐ

ԱՄՆ-ի Հարավային Ֆլորիդայի համալսարանի Ճարտարագիտական քոլեջում ծածանվում է Ադրբեջանի եռագույն պետական դրոշը։

AZERTAC-ի փոխանցմամբ՝ այս մասին նյութ է պատրաստել FOX 13 հեռուստաալիքը, որում նշվում է, որ աշխարհի ևս մեկ երկիր մտել է Հարավային Ֆլորիդայի համալսարանի ուսանողների ամենասիրելի ծիսակարգի շրջանակ։ Սա արդեն 152-րդ դեպքն է, երբ քոլեջի շրջանավարտի պատվին բարձրացվում է այլ երկրի դրոշը։

Ադրբեջանցի Վագիֆ Ասադովի համար Հարավային Ֆլորիդայի համալսարանի Ճարտարագիտական քոլեջի շենքի նախասրահ մտնելը միայն ինժեներ-ծրագրավորող լինել սովորելը չէ: Նրա համար սա նշանակում է դառնալ պատմության մաս։ «Անկրկնելի զգացում է օգնել մարդկանց տեղեկություններ ստանալ Ադրբեջանի մասին»,- ասել ր Վ. Ասադովը:

Ճարտարագիտական քոլեջի դրոշներով զարդարված անկյունում կախված են շատ զարգացած երկրների դրոշները, ինչպիսիք են Ճապոնիան, Կորեան, Գերմանիան, Անգլիան և Բրազիլիան: Կան նաև այնպիսի երկրների դրոշներ, ինչպիսիք են Լիխտենշտեյնը, Մավրիկիոսը, Նեպալը, Ուգանդան և Ղազախստանը։