Աշխարհի խոշորագույն ինքնաթիռը վթարային վայրէջք է կատարել Բաքվում Օդանավակայանում ահազանգ է հայտարարվել /ԼՈՒՍԱՆԿԱՐ
Դեկտեմբերի 23-ի առավոտյան Հեյդար Ալիևի անվան միջազգային օդանավակայանում ահազանգ է հայտարարվել՝ կապված Qantas Airways ավիաընկերության ինքնաթիռի վթարային վայրէջքի հետ։
Սինգապուր-Լոնդոն չվերթի Airbus A380 ինքնաթիռը վթարային վայրէջք է կատարել Բաքվի օդանավակայանում՝ բեռնախցում ծխի պատճառով։
Caliber.Az-ը Հեյդար Ալիևի անվան միջազգային օդանավակայանի մամուլի ծառայությանը հղումով հայտնում է, որ ինքնաթիռը բարեհաջող վայրէջք է կատարել Բաքվի ժամանակով 07:08-ին, տւուժածներ չկան։ Ինքնաթիռում եղել է 356 ուղևոր։
Բաքվի օդանավակայանում հայտարարված ահազանգի կապակցությամբ արտակարգ իրավիճակների բոլոր ծառայությունները բերվել են բարձր պատրաստվածության ռեժիմի։
Ներկայում անցկացվում է օդանավի զննում և կազմակերպվում են անհրաժեշտ միջոցառումներ՝ վթարի բոլոր պատճառները պարզելու համար։
Նշենք, որ Airbus A380-ն աշխարհում ամենամեծ սերիական երկհարկանի ինքնաթիռն է:
Հարկ է նաև նշել, որ աշխարհի ոչ բոլոր օդանավակայաններն են ի վիճակի ընդունել Airbus A380 ինքնաթիռը, դրա համար պետք է լինի բավական երկար և ամուր թռիչքուղի և օդանավը սպասարկելու համար անհրաժեշտ սարքավորումների առկայությունը:
editor@caliber.az
+994 55 444-88-98
Азербайджан, Баку, ул. Низами, 203, Af Business House, 5-й этаж