ԱՊՀ առաքելությունը հետևելու է Ադրբեջանում արտահերթ նախագահական ընտրություններին

ԱՊՀ գործադիր կոմիտեն արդեն՝ Ադրբեջանում հաջորդ տարվա փետրվարի 7-ին կայանալիք արտահերթ նախագահական ընտրություններին դիտորդական առաքելություն իրականացնելու գրավոր հրավեր է ստացել։

Ինչպես հաղորդում է Caliber.Az-ը՝ ռուսական ԶԼՄ-ներին հղումով, այս մասին հայտարարել է ԱՊՀ գլխավոր քարտուղար Սերգեյ Լեբեդևը։

Նրա խոսքով, ԱՊՀ դիտորդական առաքելությունը կաշխատի՝ Ադրբեջանում և Ռուսաստանում կայանալիք նախագահական ընտրություններին, ինչպես նաև Բելառուսում կայանալիք խորհրդարանական ընտրություններին։

«Հաջորդ տարին ընտրությունների տարի է մեր համագործակցության առաջատար պետություններում... Մենք գրավոր հրավեր ենք ստացել միայն Ադրբեջանից, նրանք առաջինն են ընտրություններ անցկացնում»,- ասել է Լեբեդևը։