Առանձին համազորային բանակում անցկացվել են հրամանատարաշտաբային զորավարժություններ ԼՈՒՍԱՆԿԱՐ

Առանձին համազորային բանակում անցկացվել են հրամանատարաշտաբային զորավարություններ, որոնց նպատակն է կատարելագործել շտաբների և անձնակազմի մարտական հմտությունները։

Այս մասին հայտնում է Caliber.Az-ը՝ հղում անելով Ադրբեջանի Պաշտպանության նախարարությանը։

«Առանձին համազորային բանակի 2023 թվականի մարտական պատրաստության պլանի» համաձայն՝ զորավարժություններին ներգրավված կազմավորումներն ու զորամասերը բարձրացվել են՝ «Տագնապի» ազդանշանով և դուրս են բերվել զորավարժությունների անցկացման տարածքներ՝ զորքերը տարբեր աստիճանների մարտական պատրաստվածության բերելու համար։

Զորավարժությունների հերթական փուլում պլանավորվել են գործողություններ հրամանատարական կետերում, կազմվել են զեկույցներ գործողության տարբեր ձևերի մասին, հստակեցվել են պրակտիկ գործողություններ կատարող ստորաբաժանումների խնդիրները, մշակվել են պլաններ և հաշվետվություններ՝ ստորաբաժանումների փոխգործակցությունը և դրանց համապարփակ աջակցությունը կազմակերպելու համար: