Առաջարկվում է Ադրբեջանի, Թուրքիայի և Վրաստանի խորհրդարանականների հանդիպումն անցկացնել Սուխումիում

Ադրբեջանի, Թուրքիայի և Վրաստանի խորհրդարանների արտաքին կապերի հանձնաժողովների հաջորդ նիստն առաջարկվում է անցկացնել Վրաստանի Սուխումի քաղաքում։

Ինչպես հայտնում է Caliber.Az-ը, Շուշայում կայացած հանձնաժողովների 7-րդ եռակողմ նիստում նման առաջարկով հանդես է եկել՝ Վրաստանի խորհրդարանի արտաքին կապերի հանձնաժողովի նախագահ Նիկոլոզ Սամխարաձեն։

Նա առաջարկել է Ադրբեջանի, Թուրքիայի և Վրաստանի խորհրդարանների արտաքին կապերի հանձնաժողովների հաջորդ նիստն անցկացնել Սուխումիում։

Հիշեցնենք, որ այսօր Շուշայում կայացել է Ադրբեջանի, Թուրքիայի և Վրաստանի խորհրդարանների արտաքին կապերի հանձնաժողովների 7-րդ եռակողմ նիստը։ Կողմերը մտքեր են փոխանակել երեք երկրների խորհրդարանների միջև հարաբերությունների հետագա խորացման և այլ հարցերի շուրջ։