Արմեն Աշոտյան. «ԵՄ համար «Լեռնային Ղարաբաղ» այլևս գոյություն չունի»

«Նիկոլ Փաշինյանի համաձայնվելու հետևանք է, որ Բրյուսելի համար Լեռնային Ղարաբաղ այլևս գոյություն չունի»:

Ինչպես տեղեկացնում է Caliber.Az-ը՝ վկայակոչելով հայկական մամուլին, այս մասին հայտարարել է ՀՀԿ փոխնախագահ Արմեն Աշոտյանը ֆեյսբուքյան ուղիղ եթերում:

«Դա 18-20 էջանոց մի պաշտոնական փաստաթուղթ է, որը պատրաստվել է Եվրոպական հանձնաժողովի կողմից, հրապարակվել է այս տարի հուլիսի 15-ին և այդ փաստաթուղթը կոչվում է «Ադրբեջանի հետ գործընկերության իմպլեմենտացիայի զեկույց»:

Այսինքն, Ադրբեջանի հետ ԵՄ-ն ունի գործընկերության ծրագիր, որտեղ ամփոփված են Ադրբեջանի հետ իրենց հարաբերությունները, գնահատականները, տարբեր ոլորտներում արձանագրված խնդիրները, հաջողությունները, նշանակետերը և այլն: Բնական է, որ Ադրբեջանի հետ հարաբերությունների համատեքստում ԵՄ-ն գնահատական է տվել նաև տարածաշրջանային անվտանգային խնդիրներին, զարգացումներին: Եվ ամբողջ տեքստում գեթ մեկ անգամ չկա «Լեռնային Ղարաբաղ» եզրույթ: Խոսելով հայ-ադրբեջանական հարաբերությունների մասին՝ պաշտոնական Բրյուսելը ամբողջությամբ հրաժարվել է «Լեռնային Ղարաբաղ» ձևակերպումից և ընդամենը մեկ անգամ օգտագործված է ադրբեջանցիների կողմից հանդուրժվող Ղարաբաղ բառը: Եվրոպական միության պաշտոնական արձագանքով Լեռնային Ղարաբաղ գոյություն չունի, և սա հետևանք է Նիկոլ Փաշինյանի դավաճանական քաղաքականության։ Այն ինչ-որ Նիկոլ Փաշինյանն անում էր եռակողմ հանդիպման ժամանակ, այսինքն՝ հրաժարվում էր օգտագործել «Լեռնային Ղարաբաղ» եզրույթը, այլևս պաշտոնական փաստաթղթերում է», - ասել է Աշոտյանը: