Բայրամովը հանդիպում է ունեցել Ավստրիայի ԱԳՆ ղեկավարի հետ

Աշխատանքային այցի ընթացքում Ադրբեջանի արտաքին գործերի նախարար Ջեյհուն Բայրամովը հանդիպել է Ավստրիայի ԱԳՆ ղեկավար Ալեքսանդր Շալենբերգին։

Այս մասին հայտնում է Ադրբեջանի արտաքին գործերի նախարարության մամուլի ծառայությունը, տեղեկացնում է Caliber.Az-ը։

Հանդիպմանը քննարկվել են երկկողմ համագործակցության հարցեր, հարաբերությունների հեռանկարները, ինչպես նաև երկկողմ տնտեսական համագործակցության և գործարար կապերի զարգացման մեծ ներուժը:

Նախարարները մտքեր են փոխանակել այս տարի երկու երկրների միջև դիվանագիտական հարաբերությունների հաստատման 30-ամյակին նվիրված մի շարք միջոցառումների անցկացման շուրջ։

Քննարկվել են նաև տարածաշրջանային անվտանգության հարցեր։