Բաքուն Երևանից պահանջում է դադարեցնել Արազդեյենում թունավոր գործարանի շինարարությունը Բաբաևը գրում է Սիմիդյանին

Ադրբեջանի կառավարությունը Հայաստանից պահանջել է դադարեցնել Նախչըվանի Ինքնավար Հանրապետությանը սահմանակից Արազդեյենում խոշոր մետալուրգիական գործարանի շինարարությունը։

Caliber.Az-ի փոխանցմամբ՝ այս մասին ասված է Ադրբեջանի բնապահպանության և բնական պաշարների նախարար Մուխտար Բաբաևի՝ Հայաստանի բնապահպանության նախարար Հակոբ Սիմիդյանին ուղղված նամակում։

Նամակում ասվում է, որ Հայաստանի և Ադրբեջանի պայմանական սահմանից մի քանի հարյուր մետր հեռավորության վրա գտնվող Երասխ (Արազդեյեն) գյուղի մերձակայքում իրականացվող գործողությունների առնչությամբ «Անդրսահմանային համատեքստում շրջակա միջավայրի վրա ազդեցության գնահատման մասին» կոնվենցիայով (Espoo կոնվենցիա) համապատասխան ընթացակարգ է սկսվել։

Հատուկ ընդգծվում է, որ սույն Կոնվենցիայի 1-ին հավելվածի համաձայն, մետալուրգիական գործարանները ճանաչվում են որպես գործունեություն, որը կարող է էական բացասական անդրսահմանային ազդեցություն առաջացնել։

Կոնվենցիայի 3.1 հոդվածի համաձայն՝ Հայաստանը պարտավոր էր նախազգուշացնել Ադրբեջանին գործարանի շահագործման շրջակա միջավայրի վրա ազդեցության մասին։ Սակայն այս նախագծի վերաբերյալ Ադրբեջանը Հայաստանից որևէ ծանուցում չի ստացել։

Նամակում ընդգծվում է, որ Ադրբեջանը սկզբնական փուլում Հայաստանից պահանջում է տեղեկատվություն փոխանակել և քննարկել նախագծի բացասական անդրսահմանային ազդեցությունը։ Ադրբեջանի կառավարությունը նաև Հայաստանից պահանջում է անհապաղ դադարեցնել գործարանի շինարարությունը, քանի դեռ նախագծի անդրսահմանային ազդեցության հետ կապված հարցերը լիովին չեն հստակեցվել։