Բաքվում ընդունվել է Բոնեյր կղզուն նվիրված համաժողովի ամփոփիչ հռչակագիրը

Բաքվում՝ «Բոնեյր կղզու ինքնորոշման ճանապարհը ՄԱԿ-ի Գլխավոր ասամբլեայում Բաքվի միջով» թեմայով միջազգային համաժողովի արդյունքներով ամփոփիչ հռչակագիր է ընդունվել։

Հաղորդվում է, որ համաժողովի մասնակիցներն անկեղծ երախտագիտություն են հայտնել Բաքվի նախաձեռնող խմբին (BIG)՝ միջոցառման կազմակերպման համար, իսկ Ադրբեջանի ժողովրդին՝ ջերմ ու բարեկամական հյուրընկալության համար։

«Միջոցառումը, որը նվիրված էր գաղութատիրության տակ գտնվող Բոնեյրի ժողովրդին, բոլոր շահագրգիռ կողմերին հնարավորություն տվեց քննարկելու Նիդեռլանդների գաղութային քաղաքականության հետևանքները, որը սպառնում է Բոնեյրի ժողովրդի ապագային և գոյությանը երկարաժամկետ հեռանկարում»,- ասվում է փաստաթղթում: