Բլինկեն. Ադրբեջանն ու Հայաստանը կարող են շուտով պայմանավորվել խաղաղության շուրջ

Ադրբեջանն ու Հայաստանը շուտով կարող են խաղաղության համաձայնագրեր ձեռք բերել:

ՏԱՍՍ-ի փոխանցմամբ՝ այս մասին՝ Կոնգրեսի Սենատի արտաքին հարաբերությունների հանձնաժողովում լսումների ժամանակ իր ելույթում հայտարարել է ԱՄՆ պետքարտուղար Էնթոնի Բլինկենը։

«Եվ ես կարծում եմ, որ կա բարենպաստ հնարավորություն, չեմ ուզում չափազանցնել այն, այլ հնարավորություն է իրականում ավարտին հասցնել խաղաղության համաձայնագրի նախապատրաստումը», - նշել է ամերիկյան արտաքին քաղաքական գերտեսչության ղեկավարը՝ մեկնաբանելով Բաքվի և Երևանի միջև նորմալացմանը նպաստելու Վաշինգտոնի փորձերը։

«Այս տարի ես Մյունխենում հանդիպեցի Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ՝ անվտանգության համաժողովի ժամանակ։

Ադրբեջանի և Հայաստանի արտգործնախարարները համեմատաբար վերջերս գտնվել են Վաշինգտոնում։ Ակնկալում եմ, որ նրանք կվերադառնան։ Մենք աշխատել ենք համաձայնագրի տեքստի վրա»,- ասել է Բլինկենը: