Գործերի ժամանակավոր հավատարմատար. Հնդկաստանը ձգտում է ընդլայնել առևտրային կապերը Ադրբեջանի հետ

Հնդկաստանը հույս ունի ընդլայնել Ադրբեջանի հետ առևտրային կապերը:

Այս մասին, ըստ Caliber.Az-ի, հայտարարել է Բաքվում Հնդկաստանի գործերի ժամանակավոր հավատարմատար Վինայ Կումարը Հնդկաստանի Հանրապետության Օրվա 74-ամյակին նվիրված միջոցառմանը։

Նրա խոսքով, երկու երկրների միջև ապրանքաշրջանառության ծավալը զգալիորեն աճել է՝ 2005 թվականի շուրջ 50 միլիոն դոլարից 2021 թվականին հասնելով 739 միլիոն դոլարի, իսկ 2022 թվականին շարունակվել է աճել՝ հասնելով 1,882 միլիարդ դոլարի։

«Այս ընթացքում Հնդկաստանը դարձել է Ադրբեջանի հինգերորդ խոշորագույն առևտրային գործընկերը»,- հավելել է դիվանագետը։