Դեսպան. ԵՄ առաքելություն ուղարկելը չպետք է պատրվակ լինի Հայաստանի համար՝ խուսափելու իր պարտավորությունները կատարելուց

ԵՄ առաքելություն ուղարկելը չպետք է պատրվակ ծառայի Հայաստանի համար՝ խուսափելու իր պարտավորությունները կատարելուց։ Այս մասին, ըստ Caliber.az-ի, Twitter-ում գրել է՝ Ֆրանսիայում Ադրբեջանի դեսպան Լեյլա Աբդուլլաևան։

Դիվանագետը նշել է, որ այս հարցը չպետք է օգտագործվի Ադրբեջանի և Հայաստանի միջև հարաբերությունների կարգավորման, այդ թվում՝ սահմանների սահմանազատման գործընթացը խաթարելու համար։

Նշենք, որ երեկ ԵՄ-ն որոշել է հերթական առաքելություն ուղարկել հայ-ադրբեջանական սահման: