Դունյա Միյատովիչ. Ես լավ գիտեմ Խոջալուի մասին

«Ես քաջատեղյակ եմ Խոջալուի մասին, Ադրբեջան կատարած այցի ընթացքում հանդիպել եմ բազմաթիվ տուժածերի և լսել նրանց»:

Ինչպես հաղորդում է «Ազերթաջ»-ը, այս մասին ասել է Եվրոպայի խորհրդի մարդու իրավունքների հանձնակատար Դունյա Միյատովիչը՝ պատասխանելով ԵԽԽՎ-ում ադրբեջանական պատվիրակության անդամ Ռաֆայել Հուսեյնովի հարցին, թե ինչու հանձնակատարի զեկույցում այդ հանդիպումների վերաբերյալ եզրակացություններ չկան։

«Ես չէի կարող բոլոր հանդիպումների մասին գրել զեկույցում։ Բայց իմ զեկույցն այս հարցերի վերաբերյալ առանձին կետեր է պարունակում։ Ինչպես գիտեք, ես ինքս Բոսնիա և Հերցեգովինայից եմ, Սարաևոյից եմ։ Ուստի ես շատ լավ եմ, հասկանում թե ինչ է նշանակում անարդարություն տեսնելը։ Բայց հիմա ես ուզում եմ, որ մենք ավելի շատ նայենք ապագային: Կոչ եմ անում հակամարտության երկու կողմերին սկսել միասին աշխատել հանուն խաղաղության՝ մարդու իրավունքների ճանապարհային քարտեզ կազմելու համար»,- ասել է Դունյա Միյատովիչը։