ԵԽԽՎ համազեկուցողները կայցելեն Ադրբեջան

Եվրոպայի խորհրդի խորհրդարանական վեհաժողովի (ԵԽԽՎ) մոնիտորինգի հանձնաժողովի՝ Ադրբեջանի հարցով համազեկուցողներ Յան Լիդել-Գրեյնջերը (Մեծ Բրիտանիա) և Լիզ Քրիստոֆերսենը (Նորվեգիա) հունիսի 3-ին կժամանեն Բաքու։

Ինչպես հայտնում է Сaliber.Az-ը՝ ԵԽԽՎ մամուլի ծառայությանը հղումով, այցի ընթացքում նախատեսված են՝ համազեկուցողների հանդիպումները արտաքին գործերի, ներքին գործերի, արդարադատության նախարարների, ինչպես նաև դատական իշխանության և քաղաքացիական հասարակության ներկայացուցիչների հետ։

Խորհրդարանում հանդիպումներ կանցկացվեն՝ Միլլի Մեջլիսի նախագահ Սահիբա Գաֆարովայի, խորհրդարանում ներկայացված քաղաքական կուսակցությունների ղեկավարների և ԵԽԽՎ-ում Ադրբեջանի պատվիրակության հետ։

Այցը կավարտվի հունիսի 7-ին։