Զախարովա. Պուտինն ու Ալիևը մանրամասն քննարկել են Ադրբեջանի ղեկավարի այցը Կիև

Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը՝ նախօրեին կայացած հեռախոսազրույցում մանրամասն քննարկել են Ադրբեջանի ղեկավարի Կիև կատարած այցը:

Ինչպես հայտնում է ՏԱՍՍ-ը, այս մասին հինգշաբթի ճեպազրույցում հայտարարել է՝ ՌԴ ԱԳՆ պաշտոնական ներկայացուցիչ Մարիա Զախարովան, տեղեկացնում է Caliber.Az-ը։

Ալիևը ավելի վաղ այցելել է Ուկրաինա, որտեղ, ի թիվս այլ հարցերի, բանակցություններ է անցկացրել Ուկրաինայի նախագահ Վլադիմիր Զելենսկու հետ։

«Հունվարի 14-ին Ադրբեջանի նախագահի՝ Կիև կատարած այցի թեման մանրամասն քննարկվել է՝ Ռուսաստանի և Ադրբեջանի նախագահների հեռախոսազրույցի ընթացքում, այն տեղի է ունեցել հունվարի 18-ին՝ ադրբեջանական կողմի նախաձեռնությամբ»,- ասել է դիվանագետը։