Էլին Սուլեյմանովը՝ COP29 հյուրընկալելու մասին. Բաքուն մեծ փորձ ունի
Բաքուն Եվրատեսիլ երգի մրցույթի, ինչպես նաև սպորտային միջոցառումների անցկացման փորձ ունի և կկարողանա բավարարել COP29-ի աճող պահանջները:
Ինչպես հաղորդում է Caliber.Az-ը, այս մասին Bloomberg-ին ասել է Մեծ Բրիտանիայում Ադրբեջանի դեսպան Էլին Սուլեյմանովը։
Դիվանագետը հայտարարել է, որ Ադրբեջանի թեկնածությունն առաջադրվել է այն բանից հետո, երբ Հայաստանի հետ խաղաղ բանակցություններում առաջընթաց է գրանցվել:
Նշենք, որ Climatechangenews կայքը հայտնել էր, որ Բաքուն հյուրընկալելու է ՄԱԿ-ի «Կլիմայի փոփոխության մասին» շրջանակային կոնվենցիայի կողմ երկրների 29-րդ համաժողովը (COP29):
Ադրբեջանի Հանրապետության նախագահի և Հայաստանի Հանրապետության վարչապետի աշխատակազմերի դեկտեմբերի 7-ի համատեղ հայտարարության մեջ նշվում է, որ որպես բարի կամքի դրսևորում՝ Հայաստանը հանում է COP29-ն անցկացնելու իր թեկնածությունը՝ ի օգուտ Ադրբեջանի Հանրապետության թեկնածության: