Էյվազով. Ղարաբաղում հայ զինվորականները քաղաքացիական անձանց վարժեցրել են ռազմական նպատակներով անօդաչու սարքերի օգտագործմանը

Ղարաբաղում հայ զինվորականները վարժանքներ են անցկացրել քաղաքացիական անձանց համար՝ Ադրբեջանի դեմ ռազմական նպատակներով անօդաչու թռչող սարքեր օգտագործելու վերաբերյալ։

Ինչպես հաղորդում է Ինտերֆաքս-Ազերբայջանը, այս մասին հայտարարել է՝ Ադրբեջանի պաշտպանության նախարարության մամուլի ծառայության ղեկավար Անար Էյվազովը։

«Հայաստանի Զինված ուժերը (որոնք Ղարաբաղում էին Ղարաբաղյան երկրորդ պատերազմից հետո) քաղաքացիական անձանց համար վարժանքներ են անցկացրել՝ ռազմական նպատակներով անօդաչու թռչող սարքերի օգտագործման վերաբերյալ, որպեսզի այդ անօդաչուների օգնությամբ կարողանան հարվածել Ադրբեջանի ռազմական և քաղաքացիական ենթակառուցվածքին», - երկուշաբթի ասել է Էյվազովը՝ արտաքին գործերի և պաշտպանության նախարարությունների համատեղ ճեպազրույցում: