Էներգետիկ օգնություն. մարդասիրական ավտոշարասյուն Ադրբեջանից Ուկրաինա

Ուկրաինայի ժողովրդին մարդասիրական օգնություն ցուցաբերելու համար նախատեսված՝ էլեկտրատեխնիկայի վերջին խմբաքանակն այսօր ուղարկվել է Սումգայիթի տեխնոլոգիական պարկից։

Ինչպես հայտնում է Caliber.Az-ը՝ էներգետիկայի նախարարությանը հղումով, 25 բեռնատար մեքենաներից բաղկացած շարասյունը՝ Ուկրաինա է տեղափոխում ավելի քան 670 հազար մետր երկարությամբ էլեկտրական մալուխներ և 26 կոմպլեկտ տրանսֆորմատորներ։

Հիշեցնենք, որ 7,6 միլիոն դոլար ընդհանուր արժողությամբ մարդասիրական օգնության նախորդ առաքումները՝ Ուկրաինա են ուղարկվել 2023 թվականի հոկտեմբերի 30-ին, նոյեմբերի 21-ին, դեկտեմբերի 8-ին և 2024 թվականի հունվարի 11-ին։