Էրդողան. Թուրքիան ջանքեր է գործադրում Ադրբեջանի և Հայաստանի միջև կայուն խաղաղության հասնելու համար

Մեր ադրբեջանցի եղբայրները բազմիցս ցույց են տվել, որ խաղաղության կողմնակից են, և մենք ակնկալում ենք նույն վերաբերմունքը Հայաստանի ղեկավարությունից։

Ինչպես հայտնում է Caliber.Az-ը, այս մասին նախարարների կաբինետի նիստից հետո կայացած ճեպազրույցում հայտարարել է Թուրքիայի նախագահ Ռեջեփ Թայիբ Էրդողանը։

«Մենք ողջունում ենք Ադրբեջանին օկուպացված չորս գյուղերի վերադարձի մասին համաձայնագիրը։ Թուրքիան կգործադրի բոլոր ջանքերը՝ կայուն խաղաղության հասնելու համար»,- ասել է Էրդողանը։

Թուրքիայի ղեկավարը բարձր է գնահատել Ադրբեջանի հետ հարաբերությունների մակարդակը և որպես օրինակ բերել երկրաշարժից տուժած Թուրքիայի Քահրամանմարաշ քաղաքում «Ադրբեջան» թաղամասի կառուցման նախագիծը։