Թբիլիսիում տեղի կունենա Վրաստանի, Ադրբեջանի և Թուրքիայի պաշտպանության նախարարների հանդիպումը

Թբիլիսիում՝ Վրաստանի պաշտպանության նախարար Իրակլի Չիկովանիի և Ադրբեջանի անվտանգության խորհրդի քարտուղար Ռամիլ Ուսուբովի հանդիպմանը քննարկվել են պաշտպանության ոլորտում համագործակցության հարցեր։

Ինչպես հայտնում է Report-ի վրացական բյուրոն, կողմերը նշել են, որ Ադրբեջանն ու Վրաստանը սերտորեն համագործակցում են այս ոլորտում՝ համաձայն տարեկան պլանի։

Հանդիպման ընթացքում ընդգծվել է նաև՝ Ադրբեջանի, Թուրքիայի և Վրաստանի միջև համագործակցության եռակողմ ձևաչափի կարևորությունը։ Իրակլի Չիկովանիի խոսքով, այս տարի Վրաստանում կկազմակերպվի երեք երկրների պաշտպանության նախարարների հանդիպում։

Նշվել է, որ Վրաստանը պատրաստ է ավանդ ներդնել Հարավային Կովկասում խաղաղության և կայունության հաստատման գործընթացում։